Me rastin e Festës Jubilare, 10 vjetorit të shpalljes së Pavarësisë së Kosovës, ministri i FSK-së Rrustem Berisha dhe komandanti i FSK-së Rrahman Rama, bënë homazhe tek varri i Komandantit legjendar të UÇK-së Adem Jashari, pjesëtarëve të familjes Jashari dhe të gjithë të rënëve që pushojnë në kompleksin memorial në Prekaz.

“Ishim këtu për të nderuar veprën e lavdishme të komandantit legjendar të UÇK-së Adem Jashari dhe sakrificën e madhe të  familjes Jashari, si dhe për të nderuar të gjithë dëshmorët tjerë që kanë dhanë jetën për të gëzuar lirinë dhe për të  festuar  sot ketë ditë që e kemi,  për të festuar 10 vjetorin pavarësisë”.

“Shfrytëzoj rastin që të gjithë qytetarëve të Kosovës të ju uroj 10 vjetorin e pavarësisë, pjesëtarëve të FSK-së  dhe te gjithë atyre që kanë kontribuar për lirinë e Kosovës”, tha ministri i FSK-së, transmeton Klan Kosova.